نشر الشاعر المبدع اسامه جديانه قصيده بعنوان انا حبعدحبه عن قلبك
أنا هبعد حبه عن قلبك
وهسيب قلبي دايما جنبك
لو مره تزوغ
قلبي يراقبك
لجل ما اطمن على حبك
راح أعرف كل أسرارك
من بدري هتوصل أخبارك
ما تظنش في واحد جارك
قلبي اللي حاسس بنبضك
حتى في منامك و صباحك
ماشي وياك زي ظلك
انا مهما بعدت
في أحلامك
صورتي مرسومه
في خيالك
هتقول الآه
شايفه آلامك
لو تفرح
صورتي أدامك
هتغني
هتسمع أنغامك
ما أنا سايبه قلبي
هنا يراقبك
(((أسامه جديانه)))
تعليقات
إرسال تعليق