نشر الشاعر د.السيد علي القن قصيده بعنوان انا وياك ومش ضدك
.....((( أنا وياك مش ضدك ))) ......
أنا وياك و مش ضدك
أنا وياك و في ضهرك
ومش نازل لا يوم ١ ولا ١١
وضد الفوضي و التخريب
لكن إنسان وليا طموح
وعايش ع المعاش مدبوح
وأملي اني اعيش مستور
بدون تهديد و لا تجريح
و نفسي اني ألاقي أمان
وأحس أني ياناس مستور
و ألاقي لابني شغلانه
و ألاقي اللقمه ب كرامه
و ده أملي بكل وضوح
و مش محتاج بقي أهانه
صبرنا سنين علي ده الحال
و لسه الحال هو الحال
سنين ب تمر قدامنا
ب تسرق كل أحلامنا
تعبنا كتير في تعدادها
وعلمنا وربينا و كبرنا
وف الاخر محلك سر
و أتاري السر في بلادنا
فساد مالي علي إداري
علي موظف ب يسرقنا
علي تاجر ماعنده ضمير
ب يكسب من فقير معدوم
ومع ذلك أنا المسؤول
عشان عشت بضمير علطول
راعيت ربي بكل ضمير
حميت بلدي من المجهول
ولا بصيت لآيد غيري
ساندت بلادي وحاميتها
ساندت الثوره ورعيتها
وفين الثوره من ناسها
و مع ذلك أنا وياك
ومش ضدك ومش نازل
ونفسي لو تاخد بالك
عشان نفضل تملي معاك
لازم تضرب علي الظالم
و تسمع شكوة المظلوم
وتفرض ع الغني القادر
تطيب خاطر المكلوم
تقول لليتيم حاضر
و تطعم لو فقير محروم
أنا وياك و مش ضدك
ومش نازل لا يوم ١ولا ١١
عشان فاهم ومش جاهل
وضد الفوضي والتخريب
مكمل بيك من الأخر
وأملي فيك حقيقي كبير
و مستني أشوف بكره
نتيجة مصر في التعمير
بدون ثوره علي الحاكم
بدون تخريب ولا تدمير
أنا وياك ومش ضدك
أنا وياك من الآخر
ولا نازل لا يوم ١٠ولا ١١
وها ارفع في شعار آخر
تعيشي يا بلدي
تعيشي يا مصر
كلمات الاديب الشاعر.د/ السيد علي القن
تعليقات
إرسال تعليق