كتب الشاعر المبدع عاطف كباره قصيده بعنوان سبيني أحلم
سيبني أحلم
عاطف كبارة
"""""""""""""""
أيوه حلمت
أكون معاك
في دنيتك
أعمل إيه
ماقدرتش أمنع
حلمي بيك
لإني نمت
وف إيدي صورة
لضحكتك
أحلم بإيه
وف نبضي صوت
تفكيري فيك...
أيوه حلمت
عارف إني
ظلمت قلبي
وجيت عليه...
سيبت نفسي
مشيت معاها
طاوعتها...
بس مين
يرفض طريق
آخره لعنيه...
كل كلمة لأ
ف قلبي كتمتها...
إنت حلم كتير عليا
كنت أكبر من ظروفي
إنت قد الدنيا ديا
نجم عالي معدي شوفي
كام قلب حبك وإبتدى
يحلم يكون...
ساكن ف قلبك مهما
حيضحي بكنوز...
ويلاقي صدك بعد رفضك والحصون...
يعني أنا الغلبان حيقدر
بيك يفوز...؟؟
سيبني أحلم بيك
وماتقوليش بلاش...
شوفني أصلا حد
مش موجود
ماجاش...
مش جريمة إن باحلم
إني نمت...
حتى لما كنت صاحي
بيك حلمت...
الغريبة إني قلت
خلاص فهمت...
وبرضه حلمت...
سيبني أحلم بيك .
عاطف كبارة
تعليقات
إرسال تعليق