كتب الشاعر المبدع احمد السيد قصيده بعنوان مجرد عتاب

 ،،،،مجرد عتاب،،،،

كان العشم موصول

لأبعد مالحدود...

ياخسارة في لحظة 

انكسر صعب يعود..

كان الكلام رعد 

في أذني 

صوته اصعب م البارود..

ساعتها حسيت بالهزيمه

واني وتر مبتور في عود..

واني مهمش في الحكايه

ماليش وجود...

يعني ذكره مش مهم

مش هو اللي هيرسم حدود..

اللي يظهر بس قاده

هو حارس زي جندي من الجنود..

يعني موجود زي عدمه

موش يبقي سد من السدود..

لاكني برضوا هنسي

كل كلام سمعته 

واوصل الود اللي بنا

لحد ما يفني الوجود..

بقلم/احمد سيد 

فهد الصحراء

٢٠٢٢/١١/١٥