كتب الشاعر المبدع حسن الشوان قصيده بعنوان رز بلبن


 .......... رز بلبن ............


متزعلش منى يا زمن

مش ح عمل رز بلبن

الظرووف على قدى

والإثنين زادوا التمن

والغاز فاتورته ملهلبه

وكارت عداد الكهربه

أعباء زوودت المحن

والحياه مبقتش مترتبه

والأمانى ماتجبش كفن

والظروف كلها  متركبه

على  مفاصل  متشعبه

كانت زمان بتدور بمكن

الضحكه دلوقت بالصدفه

أو مرسومه على الشفه

أو منقولة من ترزى رفا

وأهى تايهه ملهاش سكن 

متزعلش منى يا زمن

العسل مش لاقى الطحينه

دلوقت بقت سلعه ثمينه

سايبه أو جوه كرتووونه

والعسل هو حب الوطن 


......................................

........ حسن الشوان 🇪🇬 ......

تعليقات

المشاركات الشائعة من هذه المدونة

كتب الشاعر المبدع عبد رب النبي قصيده بعنوان لكنها الاعراف

كتب الشاعر المبدع محي الدين جمعه طه قصيده بعنوان.اني احببتك

كتب الشاعر المبدع عبد الصاحب اميري قصيده بعنوان قوم لوط