نشر الشاعر المبدع محجوب بوسبوله قصيده بعنوان والمصنوع ضايع
////////+++والمصنوع ضايع+++////////
لوجه نقي يظهر ف مرايتو
والمصنوع ضايع بين الناس
وا كيف غدة يوصل لغايتو
عايش اموسوس ذايخ الراس
ثيقة شمسها حلة زينة
صادقة وتقرب كل لحباب
من غير ها تلقاها روينة
اتوصل ناسها لشر لعداب
ماء البير ماترجعو حزارة
جف البارح ياداك الوراد
لبكا موراه غير خسارة
لاحبال تجبدو ولى عناد
ياك قالوا لعسل كيداوي
لجراح به دغيا تشفى
انعل الشيطان ياللي داوي
حثى حاجة عليك ماتخفى
ورجوع لله سرار مخفية
تشفي كيف لعسل لمخبي
وا كون صادق سير بالنية
ماكاين يالخاوة غير ربي
بقلم صقر الحروف الزجال المحجوب بوسبولة
تعليقات
إرسال تعليق