كتب الشاعر المبدع محمد رمضان قصيده بعنوان اكتب ياقلم
شعر غنائي
🖋🖋أكتب ياقلم 🖋🖋
اكتب ياقلم
ووصف الالم
اكتب ع الوجع
والفرح اللي اتمنع
ارسم كمان احزان
وقلب مات خذلان
يتيم وعاش حرمان
اكتب ياقلم
اكتب وارسم حروف
تحضن هموم وخوف
وعيون محرومه تشوف
في عاتمة الظروف
وأكتب ياقلم
اكتب وسطر
م الدمع كتر
ده العمر عدا
حلوه مره
ومره اكتر
اكتب ياقلم
اكتب واحكي
ع الحبايب
اللي حاضر وااللي غايب
سابوا القلب دايب
واللي باعوا من القرايب
خالوا سني عجز وشايب
اكتب ياقلم
موالي
الحزن بيتي وعنواني
وشموعي نورها اوجاعي
والحبر بحر دموعي
اكتب وعد اوراقي
ومتسالش علي اصحابي
وفي النهاية اكتب سلام
ولسه باقي من النبض كام
اكتب ياقلم
🖋🖋أكتب ياقلم 🖋🖋
بقلمي /محمد رمضان... 18/11/2022
تعليقات
إرسال تعليق